SÍNTESE CURRICULAR

SÍNTESE CURRICULAR DE

Xosé María Gómez Vilabella,

natural de Castroverde (Lugo)

VÉXASE O "ÍNDICE"DAS MIÑAS PUBLICACIÓNS SUBIDAS AO MEU BLOG

-.-

Algúns episodios

En Castroverde:

-Nacín o 28 de Agosto do ano 1930, no lugar de Berlán (Montecubeiro). As primeiras letras recibinas de meu pai, José María Gómez Lombardero, de profesión labrego, pero tamén exerceu de mestre particular, daqueles que chamaban,“de a ferrado”. Cando houbo Mestre na Escola Nacional de Maxide, acudín á mesma.

-Din clases, a nenos e adultos, en Santa María de Piñeiro (Corgo), aos 16 anos; e aos 17 en Librán (Baleira). Ademais diso, exercín o oficio de zoqueiro, e vendía as zocas nas feiras de Castroverde.

-Na Corrida do Galo-Sentenza da Pascua, na Meda, ano 1948, falei por primeira vez en público disertando sobre folclore tradicional, local.

-No ano 1948, cos cartos que gañara zoqueando e poñendo escola, fixen en Lugo, na Academia E.R.T., un curso de mecanografía e de taquigrafía.

En Madrid:

-En Outubro do 1948 incorporeime, como voluntario, por tres anos, ao Ministerio do Ejército, onde fun destinado como mecanógrafo no Consejo Supremo de Justicia Militar, simultaneando o meu destino coa asistencia, nocturna, ao Centro de Estudios Mercantiles y Económicos, gozando dunha beca da Acción Católica, que me serviu para prepara-las oposicións do Banco Exterior de España.

No C. S. de J. M.

-No ano 1949 o Académico da Historia, Xeneral Carlos Martínez de Campos y Serrano, III Duque de la Torre, facilitoume un carné de Investigador, que me deu acceso ao Archivo Histórico Nacional, e con aquelas investigacións elaborei o primeiro dos meus libros “CASTROVERDE. Bosquejo histórico-geográfico”.

-Ingresei no Banco Exterior de España, por oposición, no  ano 1952, sendo destinado ao Departamento de Personal, Madrid, entendo que pola cualificación que me outorgaron.

-No 1953 houbo unha peste bubónica en Ifni (África Occidental Española) e o único empregado do Exterior que se atreveu a ir para ocupar unha vacante de Oficial na Sucursal de Sidi Ifni foi José María Gómez Vilabella, polo que me concederon o ascenso directo a Oficial 1º con dous trienios.

-En Maio de 1957, vindo para España, de vacacións (Colonial), na recta de Safí, antiga Zona Francesa, recén obtida a independencia de Marrocos, ao identificar o meu coche atacounos de fronte un camión, con xente armada, do Istiqlal (especie de ETA), coa evidente intención de eliminarme. Unhas voltas de campá, e á miña esposa quiteina de debaixo dunha roda, con numerosas feridas, etcétera. As autoridades españolas obrigáronme a dicir que aquel ataque, aquel atentado, fora un simple accidente fortuíto. ¡Censura franquista, como pasou con tantas cousas de África!

Acollidos ao convento franciscano de Safí, 

e protexidos duns franceses,

ata que lle cicatrizaron as feridas a Xosefina.

-O 23 de Novembro do ano 1957 ocorreu o ataque marroquí a Ifni, e servidor, ¡nunca mellor dito!, alistouse no Somatén (civís) colaborando coas autoridade militares na defensa do Banco e demais intereses españois. Aqueles servizos patrióticos, voluntarios, fóronme recoñecidos coas seguintes distincións:

                        . O Teniente General, laureado, Gómez-Zamalloa, certificoume:

    

. O Ministro do Ejército concédeume a Medalla da Campaña:

            . Seguidamente a consideración de “Excombatiente”, medalla dos 25 Anos de Paz, etcétera.

-No Banco ascendérono a Apoderado; e con 26 anos, a Director da Sucursal de Sidi Ifni, entidade que facía, simultaneamente, as funcións de Banca privada e oficial, servizos de Tesourería do Goberno, etcétera. En Ifni, desde Ifni, publiquei o meu libro Juventud Bancaria, (en Madrid, imprenta Huérfanos de la Guardia Civil). Colaborei no Semanario local “A.O.E.”, e tamén enviei artigos a “Las Riberas de Eo”, de Ribadeo.

- Sendo Director promovín deportes e outros actos cívicos para estimula-los soldados naquelas penurias e sufrimentos:

Entregando unha copa

                        . Asistín a clases de árabe, francés e inglés.

Gijón (Asturias), onde permanecín 8 anos.

-No ano 1962 solicitei, e obtiven, o traslado para a Sucursal de Gijón, con descenso de categoría profesional, de Director a Apoderado, para dispoñer de tempo e dedicarme a estudar por libre.

                        . En Gijón fixen: francés, inglés e alemán, na Cámara de Comercio.

                        . Bacharelato Elemental, por nocturno.

                        . Peritaje Mercantil.

                        . Graduado social, pero non me presentei ao exame final por ser trasladado a Coruña.

                        . Desde Gijón enviei algunhas colaboracións a El Progreso.

Xa en Coruña.

                        . Bachillerato Superior, por nocturno.

                        . Profesorado Mercantil, por libre.

                        . Pola UNED: Ciencias Empresariales, Económicas e Dereito, se ben non terminei estas carreiras porque o meu interese era obter os coñecementos das súas sinaturas.

                        . Master na Escuela Superior de Marketing y Administración.

                        . Especialiceime en Fiscal, e tiven unha Asesoría, que atendía persoalmente polas tardes.

                        . Din clases particulares de Bacharelato, de Económicas, de Turismo, e de oposicións.

                        . Colaboracións en El Progreso (con seriais, etcétera), Adiala (nove anos en tódolos números desta revista trimestral do Centro Galego de Mallorca), la Voz de Galicia, El Ideal Gallego, Irimia, Encrucillada, revistas da Obra Social da Caja de Ahorros de Galicia, “Sarmiento” Anuario Galego de Historia da Educación, etcétera. Ultimamente en “Galicia Digital”, no blog de Amigos del Patrimonio de Castroverde, etcétera.

                        . Conferencias en varios centros culturais da Coruña.

                        . No Colexio de Castroverde, sendo director o Sr. Carreira; e tamén en Espalladoira; precisamente na do 28-11-1987, sobre o tema “As corridas do Galo e os Tribunais da Pascua na comarca”, falei extensamente da repercusión cultural que tivera para Castroverde o Camiño antigo de Asturias a Santiago (antiga Vía Lucus Augusti – Gigia), charla á que asistiron varios universitarios da bisbarra, que nunca oíran falar de tal Vía nin Camiño.

                        . O 10 de xaneiro do ano 1990 o Presidente do “Parlamento Mondiale per la Sicurezza e la Pace ha concesso Carta de Identità all´Onorevole Prof. JOSE MARIA GOMEZ VILABELLA con Funzioni di Deputy”.

                        . O 5 de decembro do ano 1989 fun nomeado Cabaleiro da Orden de Trebizonda.

 Por e para Castroverde, xa foi o lema do meu primeiro libro; e a continuación,

                        . Unha serie de libros e de artigos, sempre co tema preferente de estudar, divulgar e honrar o meu concello.

                        . Débenseme os primeiros contactos co Castro Verde de Portugal

                        . Por último, coido que demostrei o meu amor pola terra de procedencia comprando parcelas en Montecubeiro, onde edifiquei unha casa e cultivo un xardín botánico, onde teño ordenado que se depositen as miñas cinsas para volver, definitivamente, ao meu Castroverde.

Representacións:

                       

                        -Comecei na Pascua da Meda, intervindo nas “Sentenzas” do ano 1948.

                        -Escenifiquei en Vilabade, xuño de 1993, uns actos dirixidos a divulgar e estudar o Camiño Primitivo de Santiago,

                        . En Pol, representei cos xubilados una das miñas obras teatrais; esa Asociación foi un estímulo para a creación, entre outras, da de Castroverde, en cuxa fundación interviñeron aqueles veteranos de Pol, Bernardino Barreiro,  etcétera.

Pensando na ilustración e divertimento dos xubilados, as súas viaxes polo Imserso, etcétera, publiquei unha guía de Mallorca, baixo o título DE MÁMOAS E DE TALAIOTS.

Nesta fotografía,  cos meus “actores” no Grupo Escolar de Mosteiro

Reseñas biográficas. Entre outras:

-Na Gran Enciclopedia Gallega, tomo 16, edición de 1974

-Na nova edición da mesma, do ano 84, tomo 21

-No Diccionario da Literatura Galega, de Galaxia

-No Autores Lucenses, edición do Concello de Lugo, pax. 180

-En Galicia Digital.

-.-

CON RESPECTO AO MEU CONCELLO DE CASTROVERDE,

Xosé María Gómez Vilabella

.